मध्य पूर्व में अमेरिकी अड्डा पर ड्रोन हमला में तीन गो अमेरिकी सैनिकन के मौत

जॉर्डन के सीरिया के सीमा का लगे एगो अमेरिकी अड्डा पर ड्रोन से हमला में तीन गो अमेरिकी सैनिकन के मौत हो गइल बा आ दर्जनो लोग घवाहिल हो गइल बा.

अमेरिकी राष्ट्रपति जो बाइडेन कहले कि इ हमला 'ईरान समर्थित कट्टरपंथी आतंकवादी समूह' कईले बाड़े। उ आगे कहले कि, हमनी के जवाब देब।

ईरान एह हमला में कवनो तरह के शामिल होखे से इनकार कइले बा.

हमास के 7 अक्टूबर के इजरायल पर हमला का बाद एह इलाका में पहिला बेर हमला में अमेरिकी सैनिकन के मौत हो गइल बा.

जॉर्डन के कहना बा कि ई हमला जॉर्डन का भीतर ना बलुक सीरिया में भइल बा.

ई साफ नइखे कि एह ताजा हमला का पीछे के बा.

राष्ट्रपति बाइडेन कहले कि अमेरिका “हमनी के पसंद के समय अवुरी तरीका से सभ जिम्मेदार लोग के जवाबदेही दिही”।

ईरान अमेरिका आ ब्रिटेन के आरोपन से इनकार कइलसि कि ऊ एह हमला खातिर जिम्मेदार आतंकवादी समूहन के समर्थन करत बा.

तेहरान के आधिकारिक समाचार एजेंसी इरना के मुताबिक, विदेश मंत्रालय के प्रवक्ता नासर कनानी कहले कि, इ दावा ए क्षेत्र के वास्तविकता के उलट देवे खाती खास राजनीतिक लक्ष्य के संगे कईल गईल बा।

व्हाइट हाउस के कहना बा कि अतवार का सबेरे श्री बाइडेन के एह हमला का बारे में अमेरिकी रक्षा सचिव लॉयड ऑस्टिन आ अउरी अधिकारियन के जानकारी दिहल गइल.