22 जनवरी के अयोध्या में राम मंदिर अभिषेक समारोह होखे जा रहल बा। एकरा के देखत मोदी सरकार एगो बड़ कदम उठवले बिया। सरकार एह खास दिन के सगरी केंद्रीय कार्यालयन में आधा दिन के छुट्टी के एलान कइले बिया. गुरुवार के कार्मिक मंत्रालय के आदेश में इ जानकारी दिहल गईल। केंद्रीय कार्मिक राज्यमंत्री जितेन्द्र सिंह कहले कि अयोध्या राम मंदिर के उद्घाटन के मौका प सरकार के ओर से सभ केंद्र सरकार के कार्यालय में आधा दिन के काम करे के फैसला कईले बिया।
बता दीं कि राम मंदिर के गर्भगृह में राम लाला के नई मूर्ति के अभिषेक समारोह सोमवार (22 जनवरी) के होई। एह समारोह के प्रस्तुति प्रधानमंत्री नरेंद्र मोदी करीहें. सरकार केंद्र के सभ मंत्रालय अवुरी विभाग के आदेश जारी क देले बिया। जवना में कहल गईल रहे कि, 'अयोध्या में राम लल्ला के अभिषेक समारोह 22 जनवरी 2024 के पूरा भारत में मनावल जाई।' एह उत्सव में कर्मचारी लोग के भाग लेबे खातिर ई तय कइल गइल बा कि पूरा भारत में केंद्र सरकार के सगरी कार्यालय, केन्द्रीय संस्थान आ केंद्रीय औद्योगिक प्रतिष्ठान 22 जनवरी 2024 के दुपहरिया 2.30 बजे ले आधा दिन ले बंद रही.
केंद्रीय कार्मिक राज्यमंत्री जितेन्द्र सिंह कहले कि जनता के जबरदस्त उत्साह के देखत इ फैसला लिहल गईल बा। उ कहले कि देश भर में एकरा खाती बहुत जन मांग बा। 22 जनवरी के केंद्र सरकार के कार्यालय आधा दिन खातिर बंद करे के फैसला जनता के भावना के ध्यान में राखत लिहल गईल बा।
