राधेश्याम बहार

बंदना (चौपाई )

श्री गणेश के लागी पाँव । जगत जपत वा जिनिकर नाँव || विप्र चरन में नाऊ सीस जे वा दुनियाँ भर में बीस !! सन्त चरन में नाऊँ माथ । जिन्ह परगट कइलन रघुनाथ ॥ बासुदेव देवकी पद लागू । बार-बार अतने वर माँगें ॥ हरि गुन गावत निसि-दिन जाय । त्रोध लोभ देहू विसराय ॥ पुरुखन के चरनन सिर नाऊँ । जिनकी कृपा कृष्ण गुन गाऊँ ।। जिनकी कृपा से देस - विदेसा । गिरि कानन नहि होत कलेसा ॥ जिनकी कृपा सकल परिवारा । बिहरत बा सुरसरी किनारा ॥ जिनकी कृपा गंगाजल पाऊँ । सिर पर नित रेनुका चढ़ाऊँ ।। जिनकी कृपा राधे गुन गाऊँ । जाते अन्त अमर पद पाऊँ । 

मोहन दानी हउअन भारी । रंक के कइलन ऊँच अटारी ॥ सोइ मोहन अब दाया करिके । बसहु हृदय मम बंसी धरिके ॥ मोर मुकुट कछनी के काछे । बंसी बजावत गइयन पाछे । मम हिय कानन परबत गाछी । तेहि के मध्य चरावहु बाछी ॥

( दोहा )

यशोदा नन्दन सखि सहित, ललिता राधे बलराम । मोहि हिय ब्रज के ऐश्वर्य ले, बसहु सदा घनश्याम ॥

( एह मंगलाचरण का बाद मंच पर बइठल समाजी लोग के

सामूहिक गान )

चौपाई (बानी के साथ )

भुण्ड झुण्ड मिलि ब्रज के नागरी, सांवलिया प्यारे ।

घर-घर से चली सिर लेई गागरी, साँवलिया प्यारे । जमुना जल भरने को जाती, साँवलिया प्यारे । भूसन बसन सजे बहु भाँती, साँवलिया प्य रे ।

एही बिधि सखी जात मग माँहीं, साँवलिया प्यारे । ठाढ़े श्याम कदम की छाँहीं, साँवलिया प्यारे ।

( पाछा से गीत गावत सखियन के प्रवेश )

गीत

कब मिलिहन नन्दलाला, ए सांवर गोरिया ! मोर मुकुट माथे, मोर मुकुट माथे,

कछनी पीताम्बर, सोहत गले माला, ए साँवर गोरिया !

कारी जुलुफिया पर, कारी जुलुफिया पर

मनव लोभाइल, तिलक बीच भाला, ए साँवर गोरिया !

साँवली सुरतिया बिनु साँवली सुरतिया बिनु

कल ना परत बा, जियरा हो गइलन बेहाला, ए सांवर गोरिया !

कहत भिखारी तनी भर, कहत भिखारी तनी भर

सबद सुनावs, हउअ खुदे बंसीवाला, ए सांवर गोरिया ! ( एही बोचे वंशीधर कृष्ण आ बलराम आ जातारन )

( समाजी के चोपाई )

सखी श्याम के दरसन पाई ।

जय जय कहि कहि सीस नवाई !

(मंच पर उपस्थित सखी समाजी का साथ-साथ) - बोलिये वृन्दावन बिहारी लाल की जय ! (सखी लोग के राधेश्याम बहार के लीला गान)

( १ )

करत बहार राधेश्याम, करत बहार राधेश्याम । श्री गोकुल-मथुरा कुंजन में होत नित नित जाम करत बहार

मोर मुकुट ललाट चन्दन, जुगल अति छवि धाम । करत बहार

बंसी फू कत धरि अधर पर संग में व्रज के बाम करत बहार

कहे भिखारी हरि के भजिलs, मन, ना लागी दाम करत बहार'

( २ )

कान्हा से लागे मोरा नैना, नेन विनु सननन, सननन, सननन ।

कान्हा

नोरा पछुआरवा सारंगी वाजे, सारंगी बाजे सननन, सननन, सननन । कान्हा

मोरा पछुआरवा तवला बाजे, तबला बाजे ठननन, उननन,

ठननन । कान्हा

( सखी आ कृष्ण के युगल गान )

सखी: नैना लगाये चलि जाय हो, कदमियों के छँहियें छहियें, -हाँ कोई, हाँ कोई ।

आंखों में सुरमा जड़ीदार टोपी, -हाँ कोई, हाँ कोई,

जुलुफी देखाये चलि जाय हो, कदमियाँ के छँहियें - छँहियें ।

कृष्ण : आओ सखी, तोहे बंसी तुनाऊँ हाँ कोई, हाँ कोई जियरा जराये चलि जाय हो, कदमियाँ के छहियें - छँहियें । ( दोहा )

कृष्ण : इस तरफ मत जा ए सखिया, राहत घर के लीजिये । जमुना तीरे पुण्य क्षेत्र है, जल कुआँ के पीजिये ॥

सखी: कुआँ के जल खार बहुत है, मीठा चाहता हूँ प्यारे । ई बतिया कबहूँ ना सुनलीं, ई बतिया सुमलीं न्यारे ॥

कृष्ण : नया चाल के हाल त, सुनहु सुमुखि दे कान । जमुना तीरे दण्ड लगत है, दे जोबन के दान ।

सखी: जोबन-जोबन मत करहु, सुनहु अर्ज घनश्याम । हम सबका सोझा मत लेहू, नीच काम कर नाम ॥ (जमुना में जल भरे से कृष्ण के रोकला पर सखी लोग के निहोरा) हमरा के भरे द गगरिया ए साजन ! हट हट घाट छोड़' जसोदा के लालन !

बेरि-बेरि करेल रगरिया ए साजन ! हमरा के

के

अइसन दुलार के हम पथल पर पटक देहब काहे तू चलावेल नजरिया ए साजन ! हमरा के

एहिजा से जाके कहीं कबडी जमाव‍ ग‍ पनिघट के छोड़ के डगरिया ए साजन ! हमरा के

कहत भिखारी जो ना भरे देव गगरी, नाहीं बसब नन्द का नगरिया ए साजन ! हमरा के

( दोसर सखी के कहनाम ) कवित्त

नन्द के कुमार, सुनिल अरज हमार एक, अइसन सान साहबी पर पंजरा में ना बहिहों । जसोदा के लाल गाल तनिको बजाव मत चाल से ना चलब तब नगर में ना रहिहों । चाहे जान रही चाहे जाई एही लागे कान्ह जरा सा अनीति बात सपना में ना सहिहों । कहत भिखारी हम असल के बेटी हुई एक बात कहला पर लाख बात कहिहों ।

( चोपाई )

कड़क लाख के बा तोर चोली ।

काहें ना बोलब अइसन बोली ? कहब बात रसीली पाका । 2

देखिह पाछे ना लागे धाका । ठंढे मन से होइब भारी । सुनिल पुस्तक कान पसारी ॥ कहे भिखारी छोड़ सान | ना त उठी जगत से मान ॥

कृष्ण :

( गाना )

सखी :

देखावs मति जारी, ए गिरिवरधारी !

चोलिया मसकि गइल, चोलिया मसकि गइल, अँगुरी दुखाइल, रेसमिया फाटल सारी, ए गिरिवरधारी !

अइसन अनीति पर, अइसन अनीति पर

आफत लगाइव, हम ना हई दोसर नारी, ए गिरिवरधारी !

सोझा चलि जा हमरा, मोना से चलि जा हमरा रसिक बिहारी ! तू कइल बटवारी ए गिरिवरधारी !

कहत भिखारी तोहे, कहत भिखारी तोहे

भजन सुनाइव, इजतिया भलव भारी ए गिरिवरधारी ! ( एकरा बाद सखी कृष्ण के बंसी छीन लेतारी । )

( दोहा )

कृष्ण : वंशी दे दो ऐ सखी ! क्यों करती हलकान ?

मुसुकी छोड़त, गाल बजावत, लागत नाहीं गलान । सखी: बोली बोलत ढीठ से, तनिक नहीं सरमात ।

टेढ़ी बोलव' सखियन से, त जइब घरे पछतात ॥

कृष्ण घर के हम ना जाइब, सखिया मान बचन हमार | तेरी अँखिया रस भरी, मारत जिया में वान ॥

सखी: काचा जीव है मोहन तुम्हारे, थोरही में उतरात | इहाँ ना लागी तनिक चल्हाँकी, बोल ना अटपट बात ।

कृष्ण : अटपट बातें कुछ ना बोलिहों, बंसी दे दो सखिया री । आसिरबाद कुछ हमसे लेल जीअ हो के लखिया री ॥

सखी: आसिरबाद का देबs मोहन, तू नान्हें के चोर । कतिना घर में माखन खइल, भइल जगत में सोर ||

कृष्ण : दुनियां भर में सोर भइल हम कुछ ना जनलीं तोर । पाका ठगिनी हमके ठगलू, सूरत देखा के गोर ।

सखी: ए मोहन ! तू सेखी ढिलल सूरत निहरल मोर । कहे भिखारी जसोदा से कहब, करिहें नतीजा तोर ॥ ।

कृष्ण : आगे पीछे होई नतीजा, बेसी देखइबू टिपोर कहे भिखारी तमकल जइब, गगरी देहब फोर ।

रुखी : गगरी फोरव, बात बढ़इब, हमें देखइक जोर । कहे भिखारी अब मुँह छूटी, सुनव लाख कड़ोर || ( चौराई )

ओरहन देव तुरते जाई । हाल बनइहन जसोदा माई ॥

( समाजी के चौपाई )

अस कहि चले सकल ब्रजबाला । आगे से रोके नन्दलाला । बीतल बात के मारहु गोली । अब ना कबहू करब ठिठोली ॥ ( सारी धइके सखी के रोकतारे )

कृष्ण :

( दोहा )

सखी: छोड़ सारी हे गिरवारी, बेसी लागल बा दाम | ई मति जान कमरी हउए, कहत भिखारी हजाम ॥

: कृष्ण एक सारी के प्यारी बहुत, करत बाड़ू बखान । कहत भिखारी हुकुम पाइब तब, लाखन देहब आन ।

सखी : सहजे में फुसलइबs हमको । का नहीं जानत हूँ हम तुमको | इहाँ से सेखी सान हटाव । झूठे कहि कहि दिन कटाव ॥ नन्द राय के गाय सूखल बाँस के बंसी बजावS || चरावः ।

कृष्ण :

सदा तू ओढलs कमरी कारी ।

हमरे सोझा देखइबs जारी ॥ सरबर करवs मोर ? हम ना हई गोरस के चोर ॥ सरवर कुछ ना करिहों तोर । चोलिया के बनवाँ कइलs भंग । सुन० रीति अनरीति कइलऽ रीति अनरीति कइल भइली हम बे-पानी, सुन ए मोहन प्यारे, लउके लागल सगरो अलंग । सुन० गाल के बनवला हाल, गाल के बनवल हाल मोती-लर तुरल, सुन ए मोहन प्यारे, देहिया के कई दिहल तंग । सुन०" कहत भिखारी आज तू कहत भिखारी आज तू, कइल, बरिआरी, सुन ए मोहन प्यारे, आँख हुँआ चलत बा बेरंग, सुन ए मोहन प्यारे । ( कृष्ण के मनावल )

सखिया ! सुन निहोरा मोर ॥ करहु माफ, खेलहु कुछ खेला । प्रकार हमरे वा पेला ॥ ( सखी के नकारल ) सब

गाना

सुन ए मोहन प्यारे, हम ना खेलब तोहरा संग | सारी मोर दिलs फारी, सारी मोर दिहल फारी, बहियाँ झकझोरल सुन ए मोहन प्यारे,

गाना

छतीसी गुजरिया, तू घरे चलs हो ।

नखड़ा देखा के हमार जीव मोहलू, तू बाड़ भल हो । छतीसी०

मोतीहार बहार मजेदार, सोहत गले हो । हो । छतीसी०..

जारी जनावेलू झूठे के रोवऽ मत, बल-बल हो । छतीसी० कहत भिखारी तू खुदे जानत बाड़ कल-छल हो । छतीसी० ( सखी के नकारल )

गाना

हम ना सुनब तोहार बात हो नन्दलाल । जे ना बात कहे के से चट देना कह देल हो नन्दलाल !

ब्रज के ना कुछु बा बसात, हो नन्दलाल ! सारी चोली दरकल, घरो का जबाब देहब हो नन्दलाल ! एको नइखे हमरा से कहात हो नन्दलाल ! कतनो मनइव मोहन, एको ना सवाल सुनब हो नन्दलाल ! अबहीं ले बाड़s मुसुकात हो नन्दलाल ! कहत भिखारी वे विचारी ना सहात बाटे हो नन्दलाल ! आखिर हउअ जगत पितु-मात हो नन्दलाल !

( सखी के दोसर गीत )

चल के कहब जसोदा से ई बतिया ।

डगर चलत कान्हा नगर मचवलन, कइलन दुरगतिया । चलके

असल जे होखव त अब ना सहब अइसन फजिहतिया । चलके रीति छाड़ि अनरीति के धइलन; हेराइल हइन मतिया । चलके चसकल जो रहिहें त कहत भिखारी, उतरिहन इजतिया । चलके...

( सखी के प्रस्थान )

समाजी :

( चौपाई )

राह में बोलत निपटे उदासा । गई सखी जसुमति के पासा ॥

( यशोदा जी से सबी के ओरहन )

मइया जसोदा जी, कइलन बेहुरमत सखियन के कान्हा तोर ।

पानी भरे जात जब हमनी के देखेलन, रहेलन बटिया अगोर मइया जसोदा जी बान्हल केस हमनी के अभुरवलन, धइलन अंचरवा के कोर । मइया जसोदा जी... कहत भिखारी केंहू के बसे नाहीं दिहितन, तनी भर रहितन जो गोर। मइया जसोदा जी

यशोदा ।

( दोहा )

कवने कारन का भइल, तनिक बतावs भेद । बढ़-बढ़ि के तू बातें कइलू, एक के नव-नव छेद ॥ ( सखी खुलासा करतारी )

सखी:

( गाना ) गँइयाँ के ईजत ना बाँची, तोहार बेटा भइलन अमीर ।

देखि के अकेला बखेड़ा मचावेलन,

सखियन के खोलेलन चीर । जल्दी उपाय करs पाछे पछतइबू, नान्हें से भइलन बावन बीर !

एगो सलाह करs घरवा में बन के के,

द जंजीर । कहत भिखारी तोहार धन बरबाद के के, के बनइहन फकीर । बाहर से भर

नन्द

( कृष्ण के हाथ व के मशोदा जी के कहनाम )

यशोदा

( चोपाई )

खान सुनहू बात सुनहू बात हमारी । छूटी बानि अबकिए बारी ॥

तू नान्हें से भइलs ढीठ । चभुकी से हम फोरब पीठ ॥ अइसन ओरन हमें न भावे । बात सुनत में मन सरमावे || सरबस खा के निरबस कइलs | तू दुलरू दुलार से गइल |

जा, तोहरा लोग का बारे में हमरा बोलला के कवन मतलब बा, तू लोग जो नीमन रहित त आज एकनी के मजाल रहल हा अंगना में

कचवा उड़ावे के ?

कृष्ण :

( गाना )

लगवले बाड़ी मइया, ललिता लहरवा । लगवले बाड़ी दामोदर सँग हम गेंदा खेलत रहलीं,

उहाँ जाके सखी सब मरली नजरवा । लगवले बाड़ी घरे आके तोरा भिरी बोलली जहरवा । लगवले बाड़ी..

मुकुट पीतामरी हमार छीन लिहली, ओह घरी सजली दिलग्गी के बजरवा । लगवले बाड़ी"

लंगा बना के हमें नाच नचवली, हँसे लगली मुँह पर धइ के अंचरवा । लगवले बाड़ी... कहत भिखारी, इहे सरदारी ह

कृष्ण :

( चौपाई )

मइया सुनहू अरजिया मोरी । तजवीज करिह बात करेरी ॥ इनिकर बात सकल बा साजल । तोरा जाने में हम हई पागल ।।

॥

सखी :

नाहक काहें गारी देहव ?

दुनिया भर से अजस लेहब ||

( चोपाई ) अजस के डर इनिका कइसन ?

देखतू करनी करेलन जइसन ॥

इनिका बा झगरे में माजा । गाल बजावत तनिक ना लाजा ॥ दुनिया भर के हवन नाल । अब ना सुवरी इनिकर चाल ॥

( कवित्त )

मोहन के चलाँकी सुनीं, नजर करके बाँकी, नित ककर चला चला के गगरी पर मारेलन ।

अइसन बेपानी कबहू देखली ना भइलीं हम,

चुन-चुन के गारी सब सखियन के पालन ।

अइसन बरिआरी केहू कइसे सही जसोदा जी, हाथा बाँही करि करि के चोली सारी फारेलन ।

कहत भिखारी इनिका छल भरल बा नारी-नारी, पुरवासाठ करे का बेरा तुरते नकारेलन ॥

( सखियन के छेड़खानी कइल नइखे छूटत । एक दिन के बात मोहन के रंग- ढंग देखि के एगो सखी के कहनाम )

सखी: मनमोहन श्याम, बेरि-बेरि करेल रंगरिया हो । पाँव परत बानी, सखियन संग के,

छोड़ि द कइल कचहरिया हो । मनमोहन

एक नगर में बास करत नित, अनत के हई ना फुहरिया हो । मनमोहन

राम करस कुछ बालत नइखा, तनी एसा फोरि द गगरिया हो । मनमोहन

पहुँची सबेरे दरबार में ओरहन, देखि भिखारी के लबरिया हो । मनमोहन

( अब का पूछे के रहे। एगो ककड़ उठा के चलाइए त देले मोहन । सखी के गगरी फूट गइल । ऊ आगे बढ़लि झूमर पारत )

सखी :

पनघट पर फोरलन गगरी हमार ॥ टेक ॥ जाइ के कहब जब, जसोदा का लउकी तब, मोहन से पुछिहन समाचार पनघट पर केहू ओहिजा रहे नाहीं, कइलन हाथाबाँहीं,

चुनरी फाटल लहरदार । पनघट पर मोहन का नइखे सरम, नरम पर भइलन गरम, रहता में करब खूब उधार । पनघट पर

झगरा भिखारी गावे, सोचि के नीके बनावे,

कटत बा नाच में बहार पनघट पर

( सखी लोग जमोदा जी का लगे पहुचल मिलिजुलि के अरज-ओरहन सुनावे लागल )

सखी: हम ना बसब तोहरा नगरी ए जसोदा जी, हम ना बसब तोहरा नगरी । मोहन जी धूरी में फाना उड़ावेलन, पनिघट पर फोरेलन गगरी। ए जसोदा जी अबहीं त घरहीं में चरचा चलत बा, जान जाई दुनिया भर सगरी ए जसोदा जी

रसिक बिहारी कपारे पड़ल बाड़न, नित दिन बेसाहेलन रगरी ए जसोदा जी

बात ? न दोसर सखी तोहरे सोझा जसोदा जी रानी ! सब दिन से हम नगर में बानीं ॥ हमरा मुँह से आवत-जात । खाल-ऊँच कबो सुनलू हँसी दिलग्गी मोरा भावे । तनिको झूठ कहे ना आवे ॥ तोहार बेटा छैल चिकनियाँ | नान्हें से भइलन किरतनियाँ | नाचि-गाइ के सखी रिझावत । लाज के बात ना मुँह से आवत ॥ नन्दजी के बड़का बा पगरी ए जसोदा जी, हम ना बसब तोहरा नगरी ।

कहत भिखारी बड़ाई होई एही में, नन्द जी के बड़का बा पगरी ए जसोदा जी...

तीसरी सखी :

( मैथिली बोली में ) जेखनी से साँझ भेल, दिया बत्ती बर गेल, उजर चदर झाशि खाट पर बिछलखिन । केना कहूँ मैं कहत लजाई छी, बड़ अजगूत कान्हा हमरा कान्हा हमरा से कलखिन । नवॅग सुपारी वो तो कहाँ से दो ललखिन, कोकचि - कोकचि मोरा मुँह में ठुसलखिन । नन्द जी के बड़का बा पगरी ए जसोदा जी,

गमक से प्रान गेल नूगा मोरा खूल गेल, विधुनि बिधुनि के सब गत कलखिन । -

हम ना बसब तोहरा नगरी ।

: उठ सखी देह से हम

घर के

बानी ।

रदूल पानी ॥

झगरे

बानी कमजोर ।

नाहीं त

पूरा होइत झकझोर ॥

के मरद

ना

पतिजास |

एही से अइली जसोदा का पास ॥

एहिजो के बा अटपट

अइला

के ना

तर के भूभुर, ऊपर के घाम ।

में भुरवत वा चाम ||

नगर में बसब ना कहत भिखारी ।

ईजत के खिल्लत उड़वलन बिहारी ||

नन्द जी के बड़का बा पगरी ए जसोदा जी,

हम ना बसब तोहरा नगरी ।

पांचवीं सखी: जसोदा जी से टूट गइल आजुए से नाता ।

हँसी का बहाना से सारी झटक देलन, अब ना ई फजिहत सहाता । जसोदा जी से

घर-आँगन आपन चाहे अनकर,

तनिको ना हमरा सोहाता । जसोदा जी से

एही इरिखा से कवनो मुलुक में चलि जाइब,

जाके पीसब केहु के जाता । जसोदा जी से."

कहत भिखारी मुरारी आफत कइलन,

तू ही सह हऊ उनुकर माता । जसोदा जी से...

छठवीं सखी :

( चौपाई )

मोहन मोहन भइल

मोहन मचवलन उपदर

सोर ।

जोर ॥

सेखी ॥ मोहन भइलन नान्हें से रगरी । । अब ना बसब नन्द का नगरी ॥ सब कर ईजत बरोबर देखी । तेकरे रही जगत में अबलन से कइलन तकरार । मोहन के नइखन डाँटनहार ॥ टूट गइल अजुए से नाता जसोदा जी से..

सातवीं सखी : नटनागर मोर सब गत कइलन । नटनागर पानी भरे जात रहीं जमुना किनार पर, गइया चरावत चलि अइलन । नटनागर साँच बात कहला से तू ना पतिअइबू, लप कि झपक के वह धइलन । नटनागर " अइसन अबाटी जगत में ना झट दे झटकि के परा गइलन । नटनागर कहत भिखारी सदा कमरी से दिन गइल, कछनी पहिर के अमीर भइलन । नटनागर देखली,

आठवीं सखी :

(दोहा)

नागर गागर फोर के, कइ दिहलन सकचून । ई सब कसर सधाइ लेब हम, असल जो होखब बून ॥ जइसे चूरी लालजी, कइ दिहलन चकनाचूर । ओसहीं मुकुट, कुडल, बंसी, कछनी छीनब जरूर ॥

नवीं (चौपाई)

मोहन के गइल लाज मरजादा ।

अपने मन से बनत सहजादा ।

केहू का मन में तनिक ना भावस । कतनो करिया मुंह चमकावस || कतनो लइहन देह में ईतर । चाहे मनइहन देवता पीतर ॥ - कतनो लावस तेल - फुलेल । अब ना होई मोहन से मेल ।। मोर मुकुट कतनो चमकइन । हमनी का मन में तनिक ना भइहन || ईजत खातिर नगर में बानी । सुनिलs मइया जसोदा जी रानी ॥ सहल जात नइखे बरिआरी । मोहन फरलन तन के सारी ॥ फाट गइल कपड़ा के धारी । कसिके खींच दिहलन गिरधारी ॥ जो कुछ कहलों कडुआ भारी । छमव देबि अपराध हमारी ॥ कहे भिखारी जसोदा जी रानी । खीस में लउकत वा आग ना पानी |

टोली ।

एक सखी :

हम ना बसब अब जसोदा का जसोदा के बेटा मोहन रंग रंग रसिया, पनघट पर सखियन से कइलन ठिठोली । हम ना झूठो के बबुआ पर थपरा उठावेली,

ऊपर से बोलेली लोपल बोली ।

हम ना

मोहन का मने मने माघ-फागुन लउकत बा हमनी पर सब दिन बितावेलन होती ! हम ना

कहत भिखारी सहात नइखे फार दिहलन नयका कटाव काटल चोली । हम ना.. हमरा से ( एही बीचे एगो बाउर सखी गावत आवतारी )

- चुनि चुनि के पारत गारी,

बलराम पीताम्बरधारी, सब रोवत ब्रज के नारी,

झकझूमर में फाटि गइल सारिया ।

देखलीं ना अइसन मसखरिया ।

केहि हेतु होत तकरारा ? एक वारहि बारमवारा, -

सुनि- समुझि के करहु बिचारा,

रहे नाथ पर भरल गगरिया |

मत करहु रीस बहुतेरा, इहाँ बसत बजाज घनेरा,

जब खुली दूकान सबेरा,

एगो कीन द दोसर पाढ़वरिया ।

गीत गावत भिखारी नाई,

दरबार पहुँचली जाई, हउवे कुतुबपुर दियरा नगरिया ।

जहाँ खुदे जसोदा जी माई,

( तवले फेर केहू सुनावत आइल ) पनिघट पर गगरी फोरलन मोर ।

जसोदा के बेटा मोहन मीठ बोलिया,

भइलन नगर में चोर । मोर पनिघट पर

अइसन कइलन केहू ना पतिआई,

हाथ बाँहि झकझोर । मोर पनिघट पर

गगरी फूटल त दोसर किनाई, लागल ईजत के ओर । मोर पनिघट पर

कहत भिखारी सनीचर के दिन होई,

संउसे गाँव के बटोर । मोर पनिघट पर

( सखिन के समिलात बिरहा)

एह अरजी पर मरजी करों बाबू भइया,

बड़े छोटे नीके देखीं एह झगरा के बूझ । नीके देखी एह झगरा के बूझ ब्रजबासी । नाहीं त जाके बसब अजोध्या चाहे कासी । चाहें बसब ठाकुरदुअरा, चाहे बसब झाँसी । हमरा देह से जसोदा के सहात नइखे गाँसी । घरवा छोड़िके बन में चाहे बनि जाइब उदासी । कहे भिखारी चाहे मरब गला में लाके फांसी । बड़े छोटे नीके देखीं एह झगरा के बूझ ।

एगो बूढ़ सखी :

(कवित्त)

अहो पंच परमेश्वर एह पंचाइत के न्याय करों, जानि गइल जगत जे नन्दरानी जी कहावेली ।

मोहन के ओरहन जो देत केहू कवनो बिधि, सुनि के मीठ बोली में अनगावल गीत गावेली ।

अइसन अनरीति कवना मुलुक में चलन बाटे,

बेटा के पछ

कके हमनी के सिखावेली ।

2 समाजी के चौपाई सुनिसुनि ओरहन जसोदा माई । मोहन से बोली रिसिआई ||

कहत भिखारी सबका देखे में चीकन बाड़ी, झगरा करसु ना ई झगरा करावेली । [ बूढ़ सखी ओरहन देके चल जात बाड़ी ]

यशोदा (मोहन से ) हम ना छोड़ब तोहार जान,

मोहन करवलs फजिहतिया ।

आधा जबान केहू कबहूँ ना बोलल, सहत बानीं सखियन के स न । मोहन

राति दिन ओरहन सोगिया लगवनिन के सुनत सुनत बहिर भइल कान । मोहन एगो ना बात मानऽ कतिना सिखाई,

अब ना छूटी तोहार बान । मोहन कहत भिखारी तू सखियन के संग छोड़s मनव में करिलऽ गलान । मोहन

कृष्ण : ( कृष्ण के सफाई )

मइया बतिया हमार सुनऽ साफा । लबजी का बात के तू साँचे पतिअइलू सहजे में हो गइलू खाफा । मइया

लरिका समुझि हमें खूब दिक कइली, सहि गइलीं कइ कइ दाफा । मइया

मुरली माँगत रहीं सारी में हाथ लागल, फारला में का बाटे नाफा ? मइया

कहत भिखारी ई झूठे लगावत बाड़ी,

एके हाली गाफा

के गाफा । मइया'

यशोदा (एगो सखी से) : गुजरिया तू नाहके अपत कइलू हो । फुसुर-फुतुर का का दोनी घरे बतिआ के

हमरा मोहन के बोला ले गइलू हो । गुजरिया.. छोटे बदन में तू मोटे गुमान कइलू हमरा मोहनजी के नांव धइलू हो । गुजरिया कहत भिखारी बिहारी के दोस देके, लबजो कहिया से कुलवंती भइलू हो ? गुजरिया- (ई सुनि के सखी लोग समिलात दुखड़ा सुनावे लागल)

सखी :

(पूर्वी)

हमनी का कहत बानी, सुनs ए जसोदा रानी ! कइलन नगहानी अवहीं खानी हो बिहारी जी । घर में बालक लाल, बाहर में होके माल, गाल से देवाल के उड़ावेलन बिहारी जी । हमनी के कइलन उदवास हो बिहारी जी । ( यशोदा जी कृष्ण के समुझावे लगली ) ।

जइसन बलराम, तइसन घनश्याम, ओइसन नाम ग्राम करिहन बिहारी जी ।

रहता में जनीजात, देखि के करेलन बात मन में ना तनी सरमात हो बिहारी जी ।

गोकुला नगरिया के, नन्द- कचहरिया के बड़का बनइहन पगरिया बिहारी जी । कहत भिखारीदास, कुतुबपुर ह ग्राम खास

यशोदा :

( पूर्वी )

बबुआ सुनहु बात, डगर आवत जात केकरो से बोले के गरज का दुलरुआ ? 

ओरहन आइल तोर, दुखित भइल मन मोर काहे भइलऽ अइसन मुँहजोर हो दुलरुआ ?

केहू के तू देलऽ गारी, रोवत घरे अइली नारी

सारी फारि दिहलs गरीब के दुलरुआ !

करि के रगरिया गगरिया केहू - केहू के फोरिकर फेंकलs गेरिया दुबरुआ !

भइल बाड़s बावन बीर, दुअरा पर लागल भीर

काहे जालs जमुना का तीर हो दुबरुआ ? माखन मलाई खाल, बछरू चरावे जा

करे खातिर गिधवामिसान हो दुलरुआ !

छोड़ि द ढिठाई काम कृष्णचन्द्र बलराम करत बा लोग बदनाम हो दुलरुआ !

अबहू से कर ज्ञान, छोड़ि द अइसन बान

नाहीं त छोड़व हम ना जान हो दुलरुआ !

धइले बाड़s नीमन साथ, रसरी में बान्हब हाथ काहे जाल बछ बछर चरावे हो दुलरुआ ?

नोकर बहुत मोरा, कवन फिकिर बाटे तोरा घेरले बा लोग चारू ओर से दुलरुआ !

देखि के लागत बा लाज, रहितन जो घरे आज मालिक होइतन अनराज हो दुलरुआ !

हिरदय बसहु आई, पितु कृष्ण राधे माई कहत भिखारी नाई गाइ के दुलरुआ ! (तब कृष्णो आपन बयान सुनावे लगले)

कृष्ण :

(पूर्वी)

कहत बानी बात खोलि के, सब सखी मिलिजुलि के

पक्षिय भरत महली जमुना में हो मया !

मोरवा मुकुट

हम गइली घाट पर साथ-साथ हलधर

बछरू चराई के पिआवे जल हो मइया !

एक सखी बंसी लेली, हाथ झकझोरि देली

एक सखी छिनली

पीताम्बरी हो मइया !

जनली जे हँसी कइली, राह घके चलि भइली,

आगे जाके मंगलीं पीताम्बरी हो मइया !

केहू बोले लागल सेखी, बालक नादान देखि,

केहू कहे छीनब हम कुछनियाँ हो मइया !

तनी ना चलत सक, होइ गइलीं हम भक

झक झक चारू ओर से घेरली हो मइया !

केहू, बाँचल

रहल सेहू

ढीठे हाथे सिर से उतरली हो मइया !

केहू नासामनी लेहल, केहू-केहू गारी देहल

केहू खोलि लेहल पैजनियाँ हो मइया !

केहू हाथ धइल कसि के, केहू बोलल हँसि हँसि के

उटुकी खुटुकिया चलावल केहू हो मइया !

नाहीं हम जनलीं माई, झगरा दीहें लगाइ

पहुँची दरबार में हो इहे हउवे समाचार, हमरा के बारम्बार थपरी बजा के लजववली हो

मइया !

अब हमरा सूझि गइल, हीत दुसमन भइल

खुलि गइल आँखि के पनियाँ हो मइया !

कहत भिखारी नाई, पनिघट के गीत गाइ

कुतुबपुर दियरा में

घर बा हो मइया !

( यशोदाजी बेटा का कहला में आ गइली आ

लगली सखी लोग के सुनावे )

- कइसे हेराइल बूध, बोलत नइखू बोली सूच नखऊ विचार बड़ छोट के हो गोरिया !

झूठहू के लहरा लगवलू बबुआ नादान बाटे, लगलू कसीदा काटे हो गोरिया !

- झगरे के हऊ मन, कतिना बा तोरा धन हन-हन झन झन छोड़ि द हो गोरिया !

द लगन हमार लखि, जरत-मरत वाडू सखी, अनभल छोड़ि मनावल हो गोरिया !

यशोदा :

(पूर्वी)

सुनिल हमार कहल, मन बा तोहार दहल उमिर मोहन के नादान बा हो गोरिया !

नाहीं त जुलुम होई, राजा जी से कही कोई तब नाहीं बसबू नगर में हो हो गोरिया !

परल बाड़ू हाथवा में, चलऽ हमरा साथवा में

कहब तोहरा भाई -- भउजाई से हो गोरिया ! चल बबुआ दूनों भइया, जहवाँ इनिकर हवहिन मइया नीक पुरवासाठ करिके छोड़ब हम हम हो गोरिया ! मुँहवाँ के राख, लाली, काली कलकत्ता वाली कहत भिखारी नाई गाइ के हो मोरिया !

समाजी :

(चौपाई) जसोदा सखी संग ले जाई साथै कृष्ण जात मुसुकाई जो यह कही सुनी नर-नारी तेहि के पद- मँह परत भिखारी

( ओरहन सुनवला से सखिन के मन नइखे भरत । मोहन के करनी फेरू गवाये लागल )

- करीं हमका जसोदा ! चसकल मोहनवाँ । बरजि रही बरजल ना मानत नित उठि आवे कान्हा हमरा अङनव । गगरी फोरत इनिका संका ना लागत कहेनू जे बढ़ सुधा हउअन जलनवाँ । देखतू तनिक तू ढिठाई बिहारी के कइसे दो त सोझा तोहरा रहेलन भवनवाँ । कहत भिखारी गजब बरिआरी बा कब कब देबे हम आइब आइब ओरहनव । ।

एक सखी :

(गाना)

दोसर सखी :

(गाना) पनिघट पर कइसे केहू जाई । सुनि लेहु, सुनि लेहु, आरे मातावा जसोदाजी हो,

अपना लालन जी के हालत कइलन बरिआई । गरिया से तर कइलन, आरे नकिया के बेसर धइलन देखतू तू त तू ही जइतू सरमाई ।

केहू के कहल ना माने, आरे हमनी के ना त आदमी में जाने देखतानी तोहरो दनाई ! कहत भिखारी, अब ना, आरे बसे दीहें मुरारी केहू के एको ना लउकत बा उपाई ।

तीसर सस्ती :

(गाना) जइसन करत बाइन करनी बिहारी जी नू हो बतिआ कहब निरुबारी । संकर चना के गगरी फोरलन

धइलेलन भर मॅकवारी ।

हाथ गला बीच डारी ।

रगर झगर कइ बाँह ममोरलन फारि देलन तन पर के सारी । लाज के बात बताई हम कइसे असले कहत भिखारी । धइके कसर लेहब सब दिन के, चाहे हमें देबू तू उजारी ।

एह बस्ती में केहू कइसे बसिहन जहवाँ होत बटवारी |

देखि लेलन लगिट उधारी । ई अनरीत सहात नइखे हम से

चउठी सखी :

(गाना)

ए जसोदा मइया, चसकल बा ललना तोहार ।

रोकि के डगरिया मोसे कइलन मसखरिया,

ए जसोदा मइया, जब जाई जमुना किनार ।

रीति अनरीति कइलन, बाँह का घइलन, ए जसोदा मइया, अपने मने हउवन होसियार ।

असल हम हई जनि जनि कम असल, ए जसोदा मइया, टिकल नइखे बेसवा बजार ।

कहत भिखारी कहू मोती लर टूटल, ए जसोदा मइया, लागि जाई कतिना हजार । ।

पांचवीं सखी ।

(गाना)

जमुना में जात रहीं जल भरे हो,

कान्हा हम से कइलन तकरार ।

कुछ दूर डगर में गइलीं हम हो, विचही में मिललन मुरार । बाते - बाते रगर बढ़वलन हो,

गारी हमें दिहलन हजार ।

नीमन काम करत बाड़न बबुआजी हो, कइले जइहs असहीं दुलार ।

बछरू चरावे का बहाना नित हो, लेलन ईजत हमार |

अरज करत बानीं आरे मइया हो, एही में बा मरजी तोहार ।

आपन बिराना मति सोचिह तू हो, पंचित निरधार । - कर 5

कुतुबपुर गइयाँ भिखारी ठाकुर हो, बसल बाड़न गंगा का किनार ।

उहे त ई प्रेम के झगरा गवलन हो,

गाइ - गाइ कइलन बहार ।