छिड़ल बा लमहर लड़इया, समइया गंवाव जनि भइया एक ओर धरम-करम सविधनवां दोसरा तरफ बा सहीद के सपनवां बिया मंझघरवा में नइया, समइया गंवाव जनि भइया देखऽ तोहरा संगे लड़े सगरे किसनवां छात्र-नौजवान लड़े, लड़े विदवनवां दुसुमन बनल कसइया, समइया गंवाव जनि भइया किसिम-किसिम के बिनाइल बा जलवा लालकिला, देखि लऽ बजावत बा गलवा वारे के वा सगरे सलइया, समइया गंवाव जनि भइया तोपवा-बनूकवा, कोरान बाइबिलवा
बेदवा-लवेदवा ह दुसुमन के किलवा ढाहे के वा किला एही ठंड्या, समइया गंवाव जनि भइया हिटलर मुसोलनी के लास सुगबुगाता
कवुर में सूतल साला जार मुसुकाता डंहकत जेहल में मइया, समइया गंवाव जनि भइया छिड़ल वा लमहर लड़इया, समइया गंवाव जनि भइया।