जारी भइल नयका एलनवां, जवनवां प लागी अव ताला। बढ़वा में पंवरऽ अकलवा में नाचऽ जोजना के गीत लिखऽ ओकरे के बांचऽ महंगी के कर मत वखनवां, जबनवां प लागी अब ताला।
कह जनि कि नेता लोग चोर बटमरवा कह जनि कि बरदी करेले अत्याचरवा आबरू लुटेला बलवनवां, जबनवां प लागी अब ताला।
सुहुराव तरवा त मिली बड़ दरजा आखि, कान, मुँह खोले, कइसनऽ परजा करऽ महरानी के भजनवां, जबनवां प लागी अब ताला। गंउआ में गोली चले, कहि द कि फूल हऽ झोपड़ी में आगि लागे, कहि द ई रूल हड
देखऽ मति कवनो सपनवां, जबनवां प लागी अब ताला।
सभ अखबार अब होई सरकारी कलम के धरवा के तूरे के तेआरी जुलुम के छपी न बेयनवां, जबनवां प लागी अब ताला। जारी भइल नयका एलनवां, जबनवां प लागी अब ताला।